Löngu kominn tími á nýtt!

Jæjja... Þá er loksins komið að því að heyra eitthvað frá mér. Ég sjálfur er búinn að vera svo upptekinn síðustu mánuði að ég hef aldrei fundið mér tíma til að setjast niður og skrifa um nýja lífið mitt hérna úti, en þó er beðin á enda.

Nóvember: Nóvembermánuðurinn leið sjálfu sér frekar hratt. Tungumálið smaug hraðar og hraðar inní kollinn og ég sótti líka sérstakt tungumálanámskeið í einum lýðháskóla þarna. Ég fór í skólann eins og gengur og gerist í skiptinema námi nema var ekkert eitthvað sérstaklega að læra eitthvað.
Við skiptinema hópurinn okkar hittumst líka reglulega í Kiel og skemmtum okkur mikið saman, og gerum það enn. Jólaskreytingar fóru hátt á loft og þá rankaði ég við mig og fór að spá í því hversu stutt það væri í jólin. Mánuðurinn leið, mér var oft kalt og svo tekur við desember.

Desember: Það var frekar skrítið að pæla í því hversu lengi maður er búinn að vera hérna, en samt eitthvað svo stutt. Ég tók próf í lýðháskólanum og stóðst það með B2 gráðu í þýsku vúhúú. Dagarnir liður og alltaf byrjaði að myrkva fyrr, eins og á Íslandi. Mér leið ágætlega en saknaði þó Ísland um bil.
Svo ákvað ég að skipta um fjölskyldu. Ég var ánægður með ákvörðunina en vissi að ég ætti eftir að sakna skólans í Heide, enda svo týpískt eitthvað, að þegar maður skemmtir sér vel þá þarf alltaf að hætta á hápunktinum. En svona fór sú ferð. Þann 22. desember flutti ég til Bad Oldesloe til nýrrar fjölskyldu og búinn að vera hérna síðan þá. Þau eru allveg æðisleg þessi nýja og gæti ekki verið heppnari  með staðsetningu (mitt á milli Lübeck og Hamborgar, búinn að halda mér í ágætri fjarlægt frá verslunarmiðstöðvum hingað til). Jólin liðu hjá og það var yndislegt að fá nokkrar íslenskar bækur, bíómyndir, súkkulaði og meira nammi frá Íslandi. Svo kemur að áramótunum. Heyrði aðeins í mömmu og pabba, svo Evu systur og ömmu. Það er haldið uppá áramótin hérna svona allveg eins og á Íslandi, nema bara með aðeins meira kampavín.

Janúar: Janúar er búinn að ganga allveg ágætlega. Byrjaði í nýjum skóla sem bara 1500 manns eru í. Búið að vera frekar mikil ringulreið þarna og tekur örugglega einhverjar vikur til að venjast því. Janúar er búinn að líða frekar hratt og smurt og búinn að vera enskulaus mánuður og farinn að hugsa dálítið á þýsku. Þó að það sé nú ekki bara merki um eitthvað gott? Ég fór á "Halb Zeit Camp" hérna, svo að það er skrítið að vita af því að tíminn minn hérna úti er hálfnaður og bráðum fer ég að koma heim. Óhugsandi, tíminn líður alltof hratt hérna... Héðan í frá verð ég þó eitthvað duglegri að blogga þar sem margt spennandi á eftir að gerast.

Vikan sem ég á afmæli verð ég í Braunschweig að taka þátt í "Alþjóðavikunni" þarna sem haldin er árlega. Myndir verða teknar þarna og bloggað af lífs og sálarkröftum.


En þó, mig hefur lengi langað að sýna aðeins í mismuninn á íslendingum og þjóðverjum.

- Þjóðverjar borða alltaf brauð í kvöldmat, og þessi viðburður heitir eiginlega "kvöldbrauð" á þýsku en ekki "kvöldmatur". Þó af og til gerist það að eitthvað annað sé í kvöldmatinn, en það verður þá að vera eitthvað tilefni til þess!

- Ef þjóðverjum mislíkar eitthvað, þá segja þeir það manni... Strax... Held að enginn íslendingur sér svo hreinskilinn við alla í kringum sig. Smá menningarsjokk þarna í gangi.

- Þjóðverjar snýta sér allstaðar, hvar sem þeim sýnist og hvenær sem þeim dettur í hug. Maður er alltaf óviðbúinn þessum horbjóði og kúgast alltaf smá í laumi þegar þeir snýta sér. Var nú einu sinni staddur í miðju prófi og ákveður sessunauturinn að snýta sér og ég held að nokkrir hafi heyrt í mig kúgast. Ef einhver gerir þetta á Íslandi þá er hann talinn frekar ógeðslegur.

- Allt saman hérna er planað rosalega langt fram í framtíðina. Keyptum lestarmiða fyrir páskafríið okkar í gær.

- Þeir hika ekki við að baka við minnsta tilefni! Það sem íslendingum myndi kannski finnast vera mikið vesen að baka þrjár mismunandi kökur yfir daginn þá er það sjálfsagt mál fyrir þjóðverja. Ekki allveg gott að búa hérna með sykursýki.

- Þegar þeir tala eitthvað annað tungumál heldur en þýsku þá byrja þeir alltaf á því að afsaka sig fyrir því hversu léleg tungumálakunnáttan þeirra sé. Alltaf eru kennararnir þeirra lélegir, eða ekki nógu mikið kennt eða það var orðið svo langt síðan þau voru í skóla.

- Strákar pissa líka sitjandi hérna.

- Eftir hverja einustu sturtuferð er allt vatn og öll bleyta sköfuð af í sturtunni og allt þurkað. Hef persónulega aldrei séð það áður á Íslandi.

- Allir drekka hérna kolsýrt vatn, og það sem mér finnst vera einnig með smá keim af málmi.

- Þjóðverjar eru frekar kaldir og lokaðir við fyrstu kynni, en því lengur sem líður þá mýkjast þeir nú sem betur fer.

- Talað mál hérna er allt annað heldur en skrifað mál.

En þó að lokum ætla ég bara að henda inn nokkrum myndum og óska öllum gleðilegt nýtt ár og við sjáumst á þessu nýja ;D

Á jólamörkuðum hérna í að hlýja sér.

Engin skata á þorláksmessu heldur gæs!

Tekið rétt eftir að ég kom til nýju fjölskylduna.

Fór í hringekju í Lübeck =P

Tælendingar að djamma.

Ég að opna jólagjafirnar á aðfangadagskveldi

Ég, Eccha frá Indónesíu og Kristine frá Noregi að hittast í Kiel.

7 vikur liðnar!

Tíminn hérna líður alltof hratt! Í millitíðinni frá því að ég bloggaði síðast þá er ég búinn að gera margt mikið og skemmtilegt. Fór til Danmerkur og Flensburg, og svo seinna til Hamburg. Í Danmörku þá fórum við bara til eina litla borg sem heitir Aabenraa. Gerðum rosalega lítið nema að labba um verslunargötuna og kíkja inní einhverjar búðir. Þarna loksins skildi ég umheiminn í kringum mig þar sem allir töluðu dönsku og einnig þýsku.
Eftir það þá fórum við til Flensborgar. Ég fékk að versla á verslunargötunni í Flensburg og gerði þar bara rosalega góð kaup! Eftir allveg rosalega langann tíma þá hittum við mömmu Martins og fengum okkur kvöldmat. Við settumst niður og tókum svo var ekkert annað nema austurlenskt hlaðborð í boði. Notaði þetta kvöld til að bókstaflega sprengja mig af tælenskum mat þar sem að ég veit ekki hvenær ég fæ svoleiðis aftur ;) Eftir það var haldið heim.
Nokkrir dagar liðu og svo kom að því! Við fórum til Hamborgar! Það sem við byrjuðum á því að gera er að fara á eitthvað safn, (einungis með vilja Martins). Þarna inni þá sá ég stærsta málverk sem ég hef nokkur tímann séð og einhverja sýningu um John Cage. John Cage er að mínu mati ekkert nema stórfurðulegur maður þar sem að meistarverkið hans heitir 4"33 og er ekkert nema þögn í 4 mínútur og 33 sekúndur! Aach þvílík sóun á pening, þó ég hafi ekki borgað inn. Eftir þetta þá fórum við á aðal verslunargötuna hérna sem er risastór! Ég fékk einn og hálfann tíma lausann og komst bara í 3 búðir til að versla! Þegar þetta var búið þá fórum við um borð í einhvern bát og sigldum meðfram Elbe. Þessi bátaferð var þó ekki löng og aðeins inní Hamborg. Eftir þetta þá var komið að kvöldmat, og eins og er farið að verða venjulegt fyrir mig að fá sér pítsu og bjór svo auðvitað var það á boðstólnum. Eftir það þá meira vesen með neðanjarðarlestarkerfinu til lestarstöðvarinnar þar sem lestin beið okkar til að fara heim.

Núna er samt fríið búið og skólinn byrjaður aftur. Á morgunn er ég að fara að klifra í trjám með bekknum mínum. Veit ekki allveg hvernig það verður, en eflaust betra heldur en að sitja allann daginn í skólanum að gera svo lítið sem ekkert þegar maður skilur ekki.

     Ekkert að kvarta yfir veðrinu í miðjum október!

 Busla smá

 Döner! Alltof gott!

 Seinni parturinn af október!

 Jeij Danmörk :D

 Jeeiijj Íslenski fáinn :D

Eitt svona stykki á 500 kr danskar! 

Í Aabenraa 

Danmörk hérna megin 

Og Þýskaland hérna megin 

Flensburg ! 

Aðal verslunargatan í Flensburg 

Já, nei takk! 

Lestarstöðin í Hamborg! Allt risastórt þarna! 

 Eitt af því fyrsta sem ég sé þegar ég kom út!

 Húsið þar sem safnið er í!

Sígaunar með hlutina sína útum allt! og þá bókstaflega ÚTUM ALLT! 

Eitthvað drepleiðinlegt verk frá John Cage.
Ekkert nema einhver að muldra eitthvað í hálftíma,
svo er þetta á repeat allan daginn!

Þetta lika. Engin orð útskýra hversu leiðinlegur þessi maður er!
Hann spilar eina og eina random nótu í einu og kallar það list!

 Stóð beint fyrir framan spegilinn!

Stærsta málverk sem ég hef nokkur tímann séð! 

Kirkjan í Hamborg 

Gamalt seglskip 

Konungur ljónanna ;) 

Reykjvík greinilega ekki sú eina borg í heimum með "Hörpuna". 

 Mississippi Queen!

Ég um borð :D

Týpískur þýskur kvöldmatur!

Sá kafbát :D

3 vikur komnar!

Ótrúlegt en satt þá eru 3 vikur komnar, samt fyrir mér er þetta búið að líða rosalega hratt! Er búinn að læra margt og búinn að fá að kynnast miklu. Hérna ætla ég bara að fara stuttlega í gegnum það sem ég er búinn að fá að kynnast.

Þýskt menntakerfi: Eitt af því hræðilegasta sem ég veit um á jarðríki þar sem skólinn er ekkert nema ringulreið og rugl. Mikið af áföngum hérna sem eru gjörsamlega gagnslausir heima, til dæmis: teikning, heimsspeki, latína, þýsk stjórnmálafræði og rússneska. Sem betur fer þá er ég hvorugt í latínu eða rússnesku og var settur í þýsku með yngri krökkum. Allt hitt er skylda og hef bara því miður aldrei lært neitt af þessu áður hérna. Fyrstu tímarnir einkennast hjá mér að allveg sama hvað maður reynir, maður nær alltaf einhvernveginn að ranka við sér að tíminn er búinn. Skólarnir hérna byrja klukkan 7:40 og eru oftast búnir um 13 leytið eða annars þá um 15.

Októberfest: Síðustu helgi þá fór ég aðeins útfyrir dyrnar og ákvað að fara á djammið =) Fór útí búð með Jens og versluðum smá vín fyrir veislurnar og partýin. Fyrir slysni þá fór slatti af rósavíni oní mig með kvöldmatnum og svo var farið í partý! Ég spilaði eitthvað þýskt drykkjuspil með eitthvað af jafnöldrum mínum hérna. Eftir það þá var haldið til næsta þorps í "Zeltfest" (tjaldpartý á íslensku). Þarna var mikið af fólki og áfengi selt á staðnum, með dúndrandi þýska teknó tónlist í bakgrunni. Hef ekki kynnst einhverju líku hérna heima en þetta var þó gaman, svo gaman að ég mundi ekkert eftir því hvernig ég komst heim, en meðan maður vaknar með allt saman sem maður fór með þá er maður í góðum málum =) Daginn eftir var ákveðið að fara í innflutningspartý með októberfest þema. Ég var ennþá hálfónýtur eftir skemmtilegheitin fyrrakvöldið og fór þannig heim eftir kvöldmatinn þarna, kokteil og vínglas. Einhvernveginn þá tókst mér líka að rata heim, en það var um það bil 25 mínútna labb heim í kolsvörtu myrkri og einhverja hluta vegna þá eru þjóðverjar ekkert að hugsa um að lýsa upp göturnar meira. Hlýtur að vera 100 metrar á milli daufa ljósastaura hérna.

Maturinn hérna: BRAUÐ, BRAUÐ, BRAUÐ og meira BRAUÐ! Það er brauð með hverri einustu máltíð hérna og oftast bara brauð í kvöldmat. Vanalega þá er eina heita máltíðin hérna í hádeginu, annars brauð allann daginn. Þeir eru líka rosalega duglegir að setja allt sem þeim dettur í hug á brauð, en þó bara eitt í einu. Svo að samloka með skinku og osti var eitthvað svakalega nýtt fyrir þeim! Ostur hérna er eitt það feitasta sem ég hef séð því hérna er hann vanalega 45% fita! Dó svolítið inní mér við tilhugsuninni hvernig ég mun lýta út þegar ég kem heim á klakann. Ég spurði hvort það væri hægt að fá einhversstaðar ost undir 20% en því miður þá er það ómögulegt hérna.

Almeninningssamgöngur: Tekur allveg rosalega á því að oftast er strætóinn minn í skólann allveg yfirfullur og þarf að standa inní tengingunni á milli fyrri og seinni vagnanna. Maður ætti að halda að allir þjóðverjar væri rosalega stundvísir og aldrei seinir. Það afsannaðist með almenningssamgöngunum.

Annars þrátt fyrir þennan menningarmun þá gengur mér allveg rosalega vel að læra þýsku og hún verður betri frá degi til dags. Aðeins erfiðara að tala og skrifa heldur en að lesa og skilja. Þetta er eitthvað sem kemur með tímanum. Þann 3. október þá er þjóðhátíðardagur Þýskalands haldinn og eftir það tveggja og hálfs vikna haustfrí. Sá tími verður nýttur í það að skemmta sér og skoða margt og ef til vill versla í Hamborg. Á heppna systur sem mun kannski flott í afmælisgjöf frá mér ;)
Er einnig búinn að kynnast ágætann slatta af fólki hérna. Var á Late Orientation Camp í Plön þarsíðustu helgi og fékk tækifæri til að kynnast öðrum skiptinemum sem eru á Kiel svæðinu. Það var ekkert nema gaman þarna, þrátt fyrir að deila herbergi með þremur kínverjum og einum frá Afríku svo að á þeim punkti var ég kominn með ógeð af því að heyra bara kínversku allann daginn og eitt af skrítnum enskum hreim sem ég skildi ekki alltaf. Þarna var ég þó ekki alltaf með myndavélina svo að ég á lítið af myndum þaðan en þó einhverjar og get útvegað mér myndum frá öðrum líka =) Myndirnar verða þannig bara því miður að koma seinna.

Ætla að minnsta kosti að fara að sofa núna þar sem það er orðið áliðið hérna og þarf að vakna klukkan 6 á morgnanna til að fara í skólann.
Tschüss!

Ein vika í Þýskalandi!

Jæjja þá er ég búinn að vera í eina viku hérna í Þýskalandi. Það er búið að vera bæði skemmtilegt og fáránlega erfitt til skiptis. En það er nú bara eitthvað sem gengur og gerist þegar maður er í skiptinemadvöl og innan skamms verður dvölin allveg æðisleg!


Á miðvikudaginn þá vaknaði klukkan 6 um morguninn (klukkan 4 um nóttina á íslenskum tíma, takk fyrir pent!) til að gera mig til fyrir skólann. Ég var það heppinn í þetta sinn að Jens skutlaði mér í skólann því ég vissi ekkert! Þegar ég kom í skólann þá voru allir á ganginum og enginn að flýta sér neitt að færa sig fyrir annað fólk. Við fórum á skrifstofuna og skráðum mig loksins í skólann og svo fylgdu þeir mér að stofunni, sögðu bæ og þarna varð ég eftir. Eftir að þeir fóru þá byrjuðu allir alltíeinu að pakka niður dótinu og fara, ég vissi ekkert hvað var í gangi svo ég ákvað bara að elta bekkinn minn. Þau löbbuðu í gegnum skólann og enduðu í einhverjum kofa í enskutíma. Enskukennarinn tók strax eftir mér og byrjaði að spjalla við mig og lét mig svo kynna mig fyrir framan bekkinn. Eftir það þá byrjaði kennarinn á því að leyfa einhverjum stelpum að kynna verkefnið sitt.
Skólinn hélt áfram og loksins var hann búinn, eftir að hafa horft smá í kringum mig þá fann ég strætóstoppustöðina mína sem er bara beint fyrir framan skólann. Ég var kominn heim og þá tók við venjuleg rútína að hanga bara heima og gera ekki neitt. Næstu dagar einkennast af allveg eins rútínum en svo kemur helgin.

Á föstudaginn þá kíkti ég með einhverjum jafnöldrum mínum í næsta bæ að horfa á mynd, ótrúlegt en satt þá eru þýskar myndir ekki það slæmar og maður myndi halda! Laugardaginn þá fékk ég að sofa út og svo fórum ég og Martin í smá göngutúr um Albersdorf. Ég hafði ekki hugmynd að hægt væri að teygja 4000 manna bæ svona stórann! Um kvöldið var haldið partý í garðinum, þó að Martin og Jens væri ekki gestgjafarnir. Heldur var það einhver tennisklúbbur héðan sem ákvað að halda árshátíð í garðinum okkar. Við fengum okkur kvöldmat og fórum svo útí garð að blanda geð með fólkinu. Með hverjum degi þá batnar þýskan mín og um laugardagskvöldið gat ég talað smá við nágrananna og fékk að heyra að ég talaði rosa flotta þýsku miðað við hvað ég væri búinn að vera hérna í stuttann tíma. Eftir dágóða stund þá fór ég að verða þreyttur og náði einhvern veginn að sofna þrátt fyrir brjálað djamm fyrir utan gluggann minn.
Á sunnudaginn þá var ég vakinn og spurður hvort ég vildi koma í afmælisveislu hjá ríka frænda Jens. Ég þáði boðið og eftir 20 mínútur þá komst ég að því að við ætluðum að hjóla í næsta bæ. Það hafa verið mörg ár síðan ég hjólaði og þetta var ekki þægilegasti hjólatúrinn sem ég hef farið í! Við ætluðum að vera þarna í 2 tíma og svo fara en einhvernveginn enduðum við að vera þarna í 4 tíma, eða þangað til að ég og Martin gáfumst upp af þreytu. Við redduðum okkur fari heim og svo tók bara við almenn leti í góða veðrinu þangað til að það var komið að kvöldmat.

Á morgunn byrjar skólinn minn og næstu helgi verð ég í Plön á AFS hittingi! LOKSINS
Ætla þá að henda inn nokkrum myndum af því sem ég er búinn að sjá, en aftur á móti er ég ekki búinn að vera með myndavélina alltaf á mér.

Tschüss!

Kastanienweg - Gatan sem ég bý á

Eitt af stærstu trjám sem ég hef á ævinni minni séð

Súpermarkaðurinn í 5. mín göngufjarlægð

Eitt af þeim flottari húsum hérna!

Elliheimilið

Kirkjan

Alls ekki þægilegt að keyra eða hjóla á svona götum

Elsta gatan í Albersdorf

Haha fannst þetta bara töff

Bjórstígvél

Skál!

Skólinn minn =)
Gymnasium Heide Ost

Skólinn að byrja!

Jæja, það er frekar lítið búið að gerast síðan ég bloggaði síðan nema að í dag þá fór ég til Kiel í survival camp. Þarna sátum við allir skiptinemarnir sem eru á Kiel svæðinu og vorum að tala um síðustu 2 daga og einnig hvað við ætlum að fara að gera á þessu ári.

Annars er manni búið að leiðast frekar mikið á því að hanga bara heima allann daginn og þekkja engann og að enginn þekkir mann í þessum bæ nema "der Isländer" (íslendingurinn). Ég kvíði fyrir að byrja í skólanum en samt komin tilhlökkun í mann.

Fyrsti kvöldmaturinn og fyrsta nóttin í húsinu mínu reyndi svolítið á sálina en eftir það er þetta búið að vera ágætt. Tók myndir frá öðrum kvöldmatnum sem mér finnst hafa verið miklu skemmtilegri ;)

Ég að njóta kvöldmatarins.

Jens og Martin =)

Haha einhverskonar schnapps sem þeir búa til sjálfur,
segja að hann sé rosalega hollur því að hann er með aldinkjöti
þrátt fyrir að vera yfir 35%